New Hyundai Verna SX Plus Variant: दक्षिण कोरियन कार निर्माता कंपनी हुंडईने भारतीय बाजारात त्यांच्या लोकप्रिय सेडान कार Hyundai Verna च्या नवीन SX+ व्हेरिएंटची लाँचिंग केली आहे. आकर्षक लूक आणि दमदार इंजिनने सुसज्ज या नवीन व्हेरिएंटला मॅन्युअल आणि ऑटोमॅटिक ट्रान्समिशन गियरबॉक्ससह सादर करण्यात आले आहे. ज्यांची किंमत अनुक्रमे १३.७९ लाख रुपये आणि १५.०४ लाख रुपये (एक्स-शोरूम) आहे. कंपनीचा दावा आहे की या सेडानमध्ये अनेक प्रीमियम फीचर्स समाविष्ट केले गेले आहेत.
Hyundai Verna चा नवीन व्हेरिएंट कसा आहे?
या नवीन व्हेरिएंटमध्ये अनेक अशा प्रगत फीचर्स दिले आहेत जे आतापर्यंत फक्त टॉप SX(O) व्हेरिएंटमध्येच उपलब्ध होते. म्हणजे हा व्हेरिएंट कमी किमतीत जास्त फीचर्स देतो. हुंडई इंडिया मिडसाईज सेडानच्या निवडक व्हेरिएंटसाठी वायर्ड-टू-वायरलेस अडॅप्टर देखील देत आहे, जो वायरलेस अॅपल कारप्ले आणि अँड्रॉइड ऑटोला सपोर्ट करतो. Verna शिवाय, हुंडई ग्रँड i10 निओस, एक्स्टर, ऑरा, वेन्यू (एन लाइनसह) आणि अल्काझर मॉडेल्ससाठीही हा अडॅप्टर उपलब्ध आहे.
नवीन वायर्ड-टू-वायरलेस अडॅप्टरची किंमत ४,५०० रुपये आहे. हा फक्त Verna च्या SX(O), SX टर्बो आणि SX(O) टर्बो व्हेरिएंटसाठी कंपॅटिबल आहे, जे १०.२५ इंचांच्या टचस्क्रीनसह येतात. तर बेस Verna E ट्रिममध्ये टचस्क्रीन दिलेला नाही. त्याशिवाय S, SX, SX+ आणि S(O) टर्बो व्हेरिएंटमध्ये लहान ८ इंचाचा डिस्प्ले आहे जो आधीपासूनच अॅपल कारप्ले आणि अँड्रॉइड ऑटोला सपोर्ट करतो.
पॉवर, परफॉर्मन्स आणि मायलेज:
Hyundai Verna SX+ फक्त एका इंजिन पर्यायासह विक्रीसाठी उपलब्ध आहे. यात १.५ लिटर, ४ सिलेंडर नॅचरल एस्पिरेटेड पेट्रोल इंजिन दिले आहे. या इंजिनला ६-स्पीड मॅन्युअल आणि ऑटोमॅटिक ट्रान्समिशन गियरबॉक्स जोडलेले आहे. हे इंजिन ११५hp पॉवर आणि १४३.८Nm टॉर्क निर्माण करते. कंपनीचा दावा आहे की ही कार १८-१९ किलोमीटर प्रति लिटरचा मायलेज देऊ शकते.
या फीचर्सची सोय आहे:
Verna SX+ मध्ये कंपनीने काही खास फीचर्स दिले आहेत. यात LED हेडलाइट्स, फ्रंट पार्किंग सेन्सर, १६-इंच अलॉय व्हील आणि रियर स्पॉइलर यांसारख्या वैशिष्ट्यांचा समावेश आहे. मात्र, यात टॉप-स्पेक SX(O) व्हेरिएंटमधील ८-स्पीकर बोस साउंड सिस्टम, हीटेड आणि व्हेंटिलेटेड फ्रंट सीट्स आणि लेदरट सीट अपहोल्स्ट्री देखील दिली आहे.
सुरक्षेच्या दृष्टीने यात ६ एअरबॅग (सर्व हुंडई मॉडेल्समध्ये स्टँडर्ड), इलेक्ट्रॉनिक ब्रेकफोर्स डिस्ट्रीब्युशन (EBD) सोबत अँटी लॉक ब्रेकिंग सिस्टीम (ABS), इलेक्ट्रॉनिक स्टेबिलिटी कंट्रोल (ESC), टायर प्रेशर मॉनिटरिंग सिस्टम (TPMS) आणि रियर पार्किंग कॅमेरा दिला आहे.
हे पण वाचा :- MG Astor 2025 | भारतातील सर्वात स्वस्त पॅनोरॅमिक सनरूफ SUV, 12.48 लाखात मिळतील टॉप-लेव्हल फीचर्स
