Realme ने भारतात आपला नवीन स्मार्टफोन Realme C73 5G लॉन्च केला आहे. हा एक बजेट फोन आहे. यात 6000mAh ची बॅटरी, 6.67-इंचाचा डिस्प्ले आणि 32 मेगापिक्सेलचा कॅमेरा आहे. यात 4GB RAM आणि 128GB इंटर्नल स्टोरेज मिळते.
Realme C73 5G ची सुरुवातीची किंमत 10,499 रुपये आहे. या किमतीत 4GB + 64GB पर्याय मिळतो. त्याशिवाय 4GB + 128GB मॉडेलची किंमत 11,499 रुपये आहे. हा फोन क्रिस्टल पर्पल, जेड ग्रीन आणि ऑनिक्स ब्लॅक अशा रंगांमध्ये उपलब्ध आहे.
Realme C73 5G चे स्पेसिफिकेशन्स
रिअलमी C73 5G मध्ये 6.67-इंचाचा HD डिस्प्ले आहे, ज्यामध्ये वापरकर्त्यांसाठी Eye Comfort मोडही आहे. यात 120Hz रिफ्रेश रेट आहे. हा फोन 89.97% स्क्रीन टू बॉडी रेशोसह येतो. यात 625 निट्सची पीक ब्राइटनेस आहे.
Realme च्या या डिव्हाइसमध्ये 6nm ऑक्टा-कोर MediaTek Dimensity 6300 चिपसेट वापरले आहे. यासोबत 4GB RAM आणि 64GB/128GB इंटर्नल स्टोरेज मिळते. याला IP64 डस्ट आणि स्प्लॅश प्रूफ रेटिंग आहे. हा फोन Android 15 बेस्ड Realme UI 6 वर चालतो.
Realme C73 5G चा कॅमेरा
रिअलमी C73 5G मध्ये ड्युअल रियर कॅमेरा सेटअप आहे, ज्यात 32 मेगापिक्सेल GalaxyCore GC32E2 प्रायमरी सेन्सर आहे. त्याशिवाय एक सेकंडरी कॅमेरा देखील दिला आहे. सेल्फीसाठी 8MP कॅमेरा उपलब्ध आहे. यामध्ये अनेक कॅमेरा मोड्स आहेत.
Realme C73 5G ची बॅटरी
Realme C73 5G मध्ये 6000mAh ची बॅटरी आहे, जी 15W वायरलेस चार्जिंगसह येते. यात 5W वायरलेस रिव्हर्स चार्जिंगचेही समर्थन आहे, ज्यामुळे तुम्ही इतर डिव्हाइसेस देखील चार्ज करू शकता. या स्मार्टफोनचे वजन 197 ग्रॅम आहे.
हे पण वाचा :- स्टाइलचा नवीन चेहरा Motorola Razr 60 लॉन्च, 50MP कॅमेरा आणि फोल्डेबल डिझाइन केवळ ₹49,999 मध्ये
